سلام عليكم يا حلوات ...
عرسي كان عائلي وبسيط في اليت سويتس
مسرحي كان ناعم واجد من الأنصاري ... اخذت منه قوس كله ورود والخلفية كانت اضاءة مع اورجانزا بيضاء وكانت الورود بيضاء مع الأوراق ومنزل لي كرستال من القوس وورود بعد...
كان الجو كلش رومانسي والحركات اللي مسويتنها حاطة كرستالتين نازلين بشريطة فضية معاها كاكو من باتشي بس احنا اللي مسوينها .. معلقتنهم على ستاند صاير كوشة عليها مي تو يو ذيلين اللي يبيعونهم في ناصر الصيدلية ( عروس ومعرس ) وبعدين أغصان طالعين من الكوشة ومعلقين عليهم التوزيعات.
والكيكة الحركة اللي فيها بعد ذيلين الدببة عروس ومعرس علشان يمشي مع مكياجي والمسرح فضي وبيبي بلو . أزرق فاتح.
وفستاني كان أبيض ناصع والطرحة حطيتها وماشلتها الا في نهاية الحفلة والكل قال اني طالعة كأني ملاك.
العصير حطيته في كلاس كرستال وفيه داخله حليب ولون أزرق
بعدين سويت لي شوكتين حق البوفية لفيتهم بشريطة زرقاء مع ورد وشوكة أصغر للكيكة والسكين اللي قطعنا فيها الكيكة مزينة بشريطة فضية وخرز ونهم أزرق .
على الطاولات زينت كلينكس رشيته بلون فضي وحطيت عليه جليتر فضي بعدين أخذت أورجانزا لونها فضي بعد وخيطتها عند الطرف اللي تاخذين منه الكلينكس وزينتهم بخرز وريش فضي .
وحطيت شموع بعد في ستاند زجاجي بعد نفس الحركات اللي في الكلينكس وطاسة زجاجية حطيت فيها مارشمالو أبيض ( حلو حلقوم) وهذا كان على كل طاولة مع صحن زجاجي فيه معجنات وصحن نفسة فيه مكسرات.
كتاب المدعوين كان فريم كبير صورت أنا وزوجي قبل وإحنا نفس الماسكين البوم أبيض مفتوح والناس يكتبون علية.
وهذي الصورة جزء من السويت اللي عدلته لي رفيجتي الله يخليها وسوتها لي مفاجأة
منـــــــــــــقــــول